Италијанскиот првак Јувентус направи долгорочна стратегија и има план во Торино да го доведе Жоао Феликс, младата ѕвезда на Атлетико Мадрид. Во тоа треба да помогне и неговиот идол Кристијано Роналдо кој има договор со „старата дама“ до 2022 година. Откако тој ќе замине, Жоао Феликс треба да биде негов наследник во дресот на Јуве.
Атлетико Мадрид во јуни 2019 година плати 120 милиони евра за ангажман на Жоао Феликс. Младиот фудбалер во моментот има одредени несогласувања со Диего Симеоне, па медиумите на Пиринеите најавуваат дека брзо ќе го напушти стадионот „Ванда Метрополитано“.
Оваа сезона Жоао Феликс на 17 натпревари постигна осум гола и забележа три асистенции.
