Јирген Клоп доби забрана да раководи со Ливерпул на натпреварот против Саутемптон. Клоп беше казнет со 30.000 фунти поради критики кон судиите на натпреварот против Манчестер Сити, но откако ФА на Англија ја обжали одлуката на независната комисија која му ја изрече казната, истата беше сменета во суспензија.
Клоп ја загуби смиреноста кон крајот на мечот против Сити, откако не беше досуден прекршокот на Бернардо Силва над Мохамед Салах.
Судијата Ентони Тејлор не го санкционира стартот на играчот на Сити, што го налути Клоп толку многу што почна избезумено да скока, да гестикулира и да вика кон четвртиот судија Гери Бесвик.
