Хрватскиот стратег Иван Јуриќ е назначен за нов менаџер на Саутемптон.
По краткиот и неуспешен период во Рома, Јуриќ брзо пронајде нова тренерска улога и денес официјално беше претставен како предводник на Саутемптон.
„Саутемптон со задоволство објавува дека Иван Јуриќ е новиот менаџер на првиот тим“, соопшти англискиот клуб.
Јуриќ ќе се соочи со голем предизвик, бидејќи тимот се наоѓа на последното место на табелата со само пет бодови по 16 одиграни натпревари и е под сериозна закана за испаѓање.
