Поранешната ѕвезда на Реал Мадрид, Иско Аларкон, е во завршни преговори со Унион Берлин и би можел да го засили овој тим во битката за шампионската титула со Баерн Минхен. Тој во последните шест месеци беше член на Севилја, а претходно освои пет европски титули со Реал Мадрид.
Интересно е дека името на Иско го скандирале и фудбалерите на Унион Берлин во соблекувалната откако дознале дека се започнати преговори со Шпанецот.
Во Унион Берлин пред неколку дена пристигна и хрватскиот десен бек Јосип Јурановиќ од шкотскиот гигант Селтик.
