Ливерпул успешно го стартуваше новиот шампионат во Премиер – лигата совладувајќи го Ипсвич на гости со 0-2. Тоа е триумфално деби за новиот менаџер Арне Слот, кој го наследи Јирген Клоп на клупата на „црвените“.
Ипсвич имаше сили за едно полувреме, а потоа доминираше Ливерпул. Водечкиот гол го постигна Диого Жота, на асистенција на Салах, во 60.минута.
Пет минути подоцна Египќанецот Салах се запиша и во листата на стрелците, заокружувајќи го заслужениот триумф за својот тим.
