Tренерот на Интер, Симоне Инзаги, зборуваше по минималната победа од 1-0 против тимот на Венеција во натпреварот од 11. коло на Серија А. Благодарение на освоените три бода, шампионот сега е само на еден бод зад лидерот на табелата, Наполи.
Интер беше под притисок, но ги освои неопходните три бода.
„Мора да ги искористиме подобро нашите шанси. Ќе бидам искрен, го поздравив тимот за одличното прво полувреме, иако Мхитарјан и Турам пропуштија одлични можности. Мислам дека ако реализиравме една од тие шанси, натпреварот ќе беше полесен за нас. По паузата, Венеција направи измени и почнавме малку да попуштаме, што им овозможи да создадат шанси. На крајот успеавме да постигнеме гол и жално е што не го решивме натпреварот порано, бидејќи кога резултатот не е сигурен, сè може да се случи“, рече Инзаги.
Сега „нероазурите“ мораат брзо да ги обноват своите физички способности и целосно да се мобилизираат за дуелот против Арсенал во четвртото коло од групната фаза во Лигата на шампионите.
