Тренерот на Интер, Симоне Инзаги, верува дека италијанскиот клуб постигнал „нешто посебно“ откако обезбеди пласман во осминафиналето на Лигата на шампионите во конкуренција на Баерн Минхен и на Барселона.
„Нероаѕурите“ во претпоследното коло од групата Ц го совладаа Плзен со 4-0 и со 10 бода го обезбедија второто место, а со тоа продолжување во нокаут фазата од ЛШ.
„За да ја постигнеме оваа цел, која ни беше прва во сезоната, моравме да направиме нешто посебно. Игравме подобро со секој изминат натпревар. Почетокот против Баерн беше тежок, но потоа двата натпревари против Барселона ни дадоа голема самодоверба. Среќни сме за клубот и за нашите навивачи“, изјави Инзаги.
„Секогаш верувавме, но знаевме дека сме во многу тешка група бидејќи Баерн и Барселона се исклучително силни тимови. Затоа, можеби дури и ги надминавме очекувањата со пласманот во осминафиналето пред крајот на натпреварите. Момците заслужуваат големо браво“, додаде стратегот на Интер.
Белгискиот напаѓач Ромелу Лукаку се врати во игра по два месеци лекување на повредата. Тој влезе во 83. минута како замена и набргу потоа постигна гол за да ги постави конечните 4-0 против чешкиот ривал.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski