Откако Масимо Морати одлучи да го продаде Интер во 2013 година, италијанскиот клуб помина низ многу турбулентни времиња под водство на Ерик Тохир.
Со доаѓањето на Стивен Жанг на кормилото, „нероаѕурите“ успеаја да се вратат во друштвото на најдобрите во Италија и Европа, но „Фајненшл тајмс“ доцна синоќа објави дека Кинезите одлучиле да го продадат миланскиот клуб.
Адвокатите веќе почнале да бараат потенцијални купувачи, сопствениците на Интер побараа помош од познатата групација „Голдман Сакс“.
Станува збор за инвестициски фонд кој управуваше со процесот на продажба на Челси, кој на крајот го купи американскиот бизнисмен Тод Боели за 2.500.000.000 фунти од Роман Абрамович.
Зошто „Сунинг“ го продава Интер?
Кинезите имаат големи финансиски проблеми во својата татковина, особено по неуспешниот договор со „Алибаба“. Затоа позајмиле од банката 275.000.000 долари и за возврат го ставиле Интер на берзата.
Токму ова е причината поради која Антонио Конте го напушти „Џузепе Меаца“ веднаш по освојувањето на титулата по пауза од 11 години.
Според некои проценки, Интер би требало да чини околу 1.200.000.000 евра, заинтересирани се купувачи од Соединетите Американски Држави, но и фонд во сопственост на Саудиска Арабија кој го купи Њукасл и Мароканецот Марк Ласри.
Загубите на најголемите клубови се честа појава во модерниот фудбал, а исклучок не е ниту Интер, кој во претходните три сезони загуби речиси 500.000.000 евра.
„Сунинг“ сега е подготвен да го продаде клубот за да ги покрие сопствените загуби.
