Италијанскиот првак Интер најде замена и за Ашраф Хакими. Холандскиот десен бек Дензел Дамфрис ќе пристигне во Милано.
Момчето што го привлече вниманието со неколкуте одлични натпревари на Европското првенство, но и одигра многу добро за ПСВ Ајндховен, ќе се пресели во Интер за 12,5 милиони евра, со два милиони бонуси.
Во Ајндховен, веќе почнаа да се навикнуваат на животот без него, па на таа позиција веќе ги користат Филип Мвене и Џордан Тезеус оваа сезона.
Интер на тој начин комплетираше два трансфери за два дена. Вчера, Един Џеко пристигна како замена за Ромелу Лукаку. Босанскиот напаѓач се уште не е претставен, но тој ги помина медицинските прегледи и многу брзо ќе биде во новиот дрес.
