Италијанскиот гигант Интер сака да ангажира нов напаѓач во зимскиот преоден рок и една од целите е Антони Марсијал, пишуваат медиумите на Островот.
Францускиот крилен напаѓач пристигна на „Олд Трафорд“ пред осум години за висока трансферна сума, но никогаш не можеше да ја оправда довербата.
27-годишниот офанзивец има одиграно само 220 минути од почетокот на сезоната. Тој и понатаму се надева дека со добри игри во втора половина од сезоната можеби ќе успее да обезбеди место во тимот на Франција за претстојното ЕВРО 2024 во Германија. Токму поради оваа причина тој сериозно ќе ги разгледа своите опции оваа зима.
Интер од своја страна планира да го доведе Марсијал на слободен трансфер или како опција со минимална трансферна сума.
Се шпекулира дека Французинот ќе биде замена за летното засилување Марко Арнаутовиќ, кој беше ангажиран ова лето како позајмен играч од Болоња.
