Интер е заинтересиран за дефанзивецот на Манчестер Јунајтед, Арон Ван-Бисака, објави „Газета дело Спорт“. Англискиот премиерлигаш е подготвен да се раздели со 26-годишниот Англичанец за 15 милиони евра.
Договорот на дефанзивецот со Манчестер Јунајтед е до летото 2025 година. Интер размислува да го ангажира Ван-Бисака како замена за Дензел Дамфрис.
Во актуелната сезона, Ван-Бисака настапи на 21 натпревар во сите натпреварувања и имаше три асистенции.
Поранешниот младински репрезентативец на Англија се пресели на „Олд Трафорд“ од Кристал Палас во 2019 година.
