Интер Мајами ја освои титулата во регуларниот тек од сезоната во МЛС лигата по триумфот над Колумбус Кру (2-3), кој го зачинија Лионел Меси со два гола и Луис Суарез со еден погодок.
Интер Мајами поведе во 45. минута токму со гол на Меси, а во судиското продолжение од првиот дел, Аргентинецот ја удвои предноста на гостите со одлично изведен слободен удар.
Диего Роси намали на 1-2, но Интер Мајами повторно поведе со два гола разлика во 48. минута, кога Луис Суарез искористи грешка на голманот и со глава ја погоди празната мрежа.
Во 61. минута, Колумбус Кру повторно ја врати неизвесноста со гол од пенал на Кучо.
Интер Мајами со оваа победа и со 68 бода веќе е сигурен шампион на Источната конференција, зголемувајќи ја предноста на 11 бода пред Колумбус Кру.
