Италијанскиот првак Интер го продаде Ашраф Хакими на ПСЖ за 70 милиони евра, но се уште ги нема подмирено книгите за финансискиот фер-плеј на УЕФА. Мора да се раздели најмалку со уште една ѕвезда, а новиот тренер Симоне Инзаги и раководството н клубот размислуваат која опција е најдобра.
Најмногу понуди пристигнуваат за напаѓачите Ромелу Лукаку и Лаутаро Мартинез, но Интер сака да го задржи овој тандем за одбрана на „скудетото“.
Изборот се чини дека падна на Стефан Де Фрај, дефанзивецот кој би можел да се пресели во Премиер – лигата. За него има интерес од Тотенхем, а во трката би можел да влета и Челси.
