Италијанскиот првак Интер се соочува со проблеми при преговорите со хрватскиот интернационалец Марсело Брозовиќ. По големите намалувања на трошоците, Интер создава нов тим, но сака да го продолжи договорот со ѕвездите кои го сочинуваат столбот на тимот. Меѓу нив е и хрватскиот репрезентативец Марсело Брозовиќ.
„Среќен сум што можам да ви кажам дека се договоривме речиси се со Николо Барела и со Лаутаро Мартинез. Наскоро треба да потпишат нови договори. Од друга страна, ние сме многу подалеку од договор со Брозовиќ. Сепак, верувам дека ќе го решиме и тоа“, изјави Марота.
Интер по осум одиграни кола се наоѓа на третото место на табелата во Серија А, а за два дена ќе се сретне со Јувентус во големото италијанско дерби.
