Македонскиот фудбалски репрезентативец Илија Несторовски својата кариера ќе ја продолжи во Удинезе. Според најавите од Италија, договорен е неговиот трансфер од Палермо во калчолигашот од Удине.
Палермо е во голема финансиска криза, дури и пред преселба во Серија Д поради финансиски малверзации, а Несторовски треба деновиве и официјално да потпише двегодишен договор со Удинезе.
Тренер на Удинезе е Хрватот Игор Тудор кој инсистира на реализација на трансферот. Несторовски треба наредните денови да ги мине медицинските прегледи и да стави потпис на договорот.
