Напаѓачот на ПСЖ, Мауро Икарди, би можел да ја продолжи кариерата во редовите на новиот италијански прволигаш Монца.
Икарди не е прв избор ниту на новиот тренер на ПСЖ, Кристофер Галтие. Тој јасно му стави до знаење дека нема да има премногу простор за игра и дека најдобро ќе биде да ја смени средината.
Монца дефинитивно е подготвена да го доведе 29-годишниот Аргентинец во своите редови.
Главниот творец на тимот, легендарниот Адријано Галијани веќе разговарал со ПСЖ и францускиот шампион е подготвен да го пушти Икарди на позајмица.
Галијани веќе разговарал со сопругата и агентка на Икарди, Ванда Нара. Очигледно е дека славната двојка е заинтересирана за враќање во Серија А, бидејќи ПСЖ веќе дал зелено светло за реализација на зделката.
Икарди без сомнение би бил огромно засилување за Монца. Тој би ја имал улогата на прва ѕвезда на тимот и околу него би се вртела играта на овој клуб во дебитантската сезона во Серија А.
