Хрватскиот фудбалски стручњак Игор Тудор е нов тренер на Лацио, потврди денеска италијанскиот клуб.
Тој на клупата на Лацио го замени Маурициo Сари, кој минатата недела ја напушти клупата на римскиот клуб поради лоши резултати.
Тудор потпиша договор на година и пол.
Лацио моментно е на деветтото место во Серија А и заостанува два бода зад Наполи, кој ја зазема седмата позиција која води во Европа.
Во текот на тренерската кариера, 45-годишниот Тудор ги предводеше Верона, Хајдук Сплит и Олимпик Марсеј.
