Милан оствари важен триумф (1-3) на гости во Неапол и се врати на врвот во Серија А. Елиф Елмас беше на клупата за резерви кај Наполи и влезе во 90.минута, а во редовите на „росонерите“ блескаше Златан Ибрахимовиќ, Тој постигна два гола за Милан и сам го покори Неапол. Јенс Хауге во последните мигови само стави точка на триумфот.
Швеѓанецот го доведе Милан во водство во 20.минута, а на почетокот на вториот дел зголеми и на 0-2. Дрис Мертенс намали во 63.минута, но само две монути подоцна Наполи остана со играч помалку поради исклучувањето на Тиму Бакајоко. Тоа беше и крај на надежите на „наполитанците“ дека на овој меч можат до позитивен резултат. Хауге во последните секунди постигна и трет гол за Милан.
