Шведскиот ас Златан Ибрахимовиќ не го одмина пандемијата на коронавирусот, но успеа брзо да го преброди вирусот Ковид-19 и се врати на теренот. Сега повторно е во „аут“ поради повреда и не може да ја издржи здодевноста кога не игра фудбал.
Како што вели Ибра, најтешко му било кога бил во изолација, одвоен од семејството.
„Кога заболев од Ковид-19, најтешкиот дел беше што бев осамен меѓу четири ѕида. По неколку дена, почнав да им зборувам на ѕидовите и не знам како издржав. За мене, осаменоста и одвоеноста од фудбалот е најстрашна“, изјави Златан Ибрахимовиќ.
