Милан се одлепи на врвот на табелата во Серија А со три бода позитива во однос на Интер по триумфот на гости против Калјари, а Златан Ибрахимовиќ ги постигна двата гола. Со тоа Швеѓанецот постави нов рекорд, игра фантастично иако навлезе во 40. година од животот.
Златан Ибрахимовиќ постигна гол и 23-та година последовно, а сега поентираше на девет натпревари по ред, за првпат во кариерата. Серијата ја почна минатата година на 29. мај против Сампдорија во претпоследното коло од минатиот шампионат, а се уште трае – со погодоците против Калјари.
Ибрахимовиќ на последните девет натпревари во Серија А постигна вкупно 15 гола.
