Милан оствари триумф против Аталанта со 2-0, а на мечот на „Сан Сиро“ по деветмесечна пауза на терените се врати Златан Ибрахимовиќ. Шведаскиот ас влезе во игра во 74.минута на местото на Оливие Жиру и веднаш собори рекорд.
Тој стана најстариот фудбалер на Милан во Серија А во периодот откако за победа се добиваат три бода. Шваѓанецот заигра на возраст од 41 година и 146 дена.
Пред Златан Ибрахимовиќ, овој рекорд го држеше Алесандро Костакурта кој последен пат настапи со 41 година и 25 дена.
Ибрахимовиќ за првпат заигра оваа сезона, откако во мај минатата година заработи тешка повреда на коленото.
