И со казните се претера: Момче што се сликаше со Депај доби пет години забрана за влез на стадион

Холандија имаше одлична вечер против Црна Гора, победи со 4-0, а Мемфис Депај имаше сензационален меч. Едно 13-годишно момче по натпреварот успеа да се симне на теренот на „Јохан Кројф арена“ и направи селфи со својот идол Депај.

Но, дојде и драстична казна од Фудбалската федерација на Холандија (КНВБ). Како што пренесува холандскиот медиум „РТЛ Њус“, момчето ќе треба да плати парична казна од 100 евра, но многу пострашна е забраната од пет години што ја доби за влез на стадионите во Холандија.