Холандскиот интернационалец Клас – Јан Хунтелар се враќа во Шалке 04. Ветеранот го напушта Ајакс и повторно се враќа во Бундес-лигата со мисија да му помогне на тимот од Гелзенкирхен во борбата за опстанок во најквалитетното германско фудбалско друштво.
Хунтелар во текот на денешниот ден треба да ги мине медицинските прегледи, а потоа и да потпише договор со Шалке 04. Тој во периодот од 2010 до 2017 година со успех настапуваше за Шалке, одигра 175 натпревари и постигна 82 гола.
Шалке се наоѓа на последната позиција на табелата во Бундес-лигата со само седум освоени бода по 16 одиграни кола.
