Селекторот на фудбалската репрезентација на Германија, Ханси Флик го објави списокот на играчи на кои смета за претстојното Светско првенство во Катар.
Марко Ројс ќе пропушти уште едно големо натпреварување, а ќе му се придружи и соиграчот Матс Хумелс, за кого нема да има место во авионот.
Наместо него, на списокот се најде дефанзивецот на Саутемптон, Армел Бела-Кочап. Исто така, го нема Робин Госенс, а ниту талентираниот Флоријан Вирц, кој е повреден.
На списокот на Ханси Флик се најде и „златното момче“, Марио Геце.
ГОЛМАНИ: Мануел Нојер, Марк Андре тер Штеген, Кевин Трап
ОДБРАНА: Армел Бела Кочап, Матијас Гунтер, Кристијан Гинтер, Тило Керер, Лукас Клостерман, Давид Раум, Антонио Рудигер, Нико Шлотербек, Никлас Зиле.
СРЕДИНА И НАПАД: Карим Адејеми, Џулијан Брант, Никлас Фулкруг, Серж Гнабри, Леон Горецка, Марио Геце, Илкај Гундоган, Каи Хаверц, Јонас Хофман, Џошуа Кимих, Јусуфа Мукоко, Џамал Мусијала, Томас Милер, Лирој Сане.
