Хуго Лорис сака да го напушти Тотенхем и да се пресели во Италија. Тој преговара за трансфер во Лацио. Иако има договор со англискиот клуб до 2024 година, Лорис во неколку наврати навести дека сака да си замине ова лето.
Францускиот голман е заинтересиран за проектот на Лацио кој оваа сезона ќе игра во Лигата на шампионите. 36-годишниот чувар на мрежата е понуден и на Реал Мадрид откако се случи тешката повреда на Тибо Куртоа. Во оваа фаза, сепак, „кралскиот клуб“ има други опции за замена на Белгиецот.
Интерес за Лорис имаше и од Фиорентина и Ал-Хилал, но тој ги одби тие понуди.
Францускиот голман е член на Тотенхем од 2012 година по неговиот трансфер од Лион, има 447 настапи за лондончани, но остана без освоен трофеј.
