Македонскиот прволигаш Борец го доведе и третото засилување во зимскиот преоден рок. Се работи за Еди Баша, хрватски интернационалец кој игра на позицијата крилен напаѓач и има настапувано во Копер, Цибалија, Железничар Сараево, Широки Бријег, Истра…
Претходно клубот веќе ги договори Алехандер Борха и Лука Трајкоски, а во план е да биде доведено уште едно странско засилување во средниот ред, како и двајца македонски фудбалери и голман.
Тренерот Горазд Михајлов за утре ја закажа првата прозивка, а воедно и стартот на подготвителниот период за фудбалерите на Борец.
