Расмус Хојлунд изрази задоволство од новиот тактички систем на Манчестер Јунајтед под водство на тренерот Рубен Аморим и смета дека овој стил совршено одговара на неговиот начин на игра. 21-годишниот напаѓач постигна два гола во победата на Јунајтед од 3-2 против Будо/Глимт во Лига Европа.
„Мислам дека новиот систем одговара на мојот стил на игра“, изјави Хојлунд по првата победа на тимот под водство на Аморим.
„Работите се развиваат поинаку во оваа формација. Лично, треба повеќе да се фокусирам на случувањата пред мене, отколку зад мене. Играв сличен стил во Аталанта. Иако не е идентично, нашиот систем 3-4-3 е донекаде сличен“, истакна Хојлунд.
Манчестер Јунајтед го донесе Хојлунд од Аталанта минатата година, каде што тој постигна десет гола во својата дебитантска сезона. Во новата сезона, откако Антони Марсијал се пресели во АЕК Атина, Хојлунд го презеде дресот со број „9“. Иако пропушти дел од стартот на сезоната поради повреда, тој веќе има постигнато четири гола.
„Сè уште сум многу млад, но можам да ја понесам одговорноста. Затоа ја презедов деветката оваа година – сакам да го направам следниот чекор“, истакна напаѓачот на „црвените ѓаволи“.
