Баерн Минхен по две ремија во низа, се врати на победнички колосек во Бундес-лигата со убедлив триумф од 4-0 против Штутгарт. Тимот на Винсан Компани беше без Џамал Мусијала, но кога е тука Хари Кејн тогаш нема причини за загриженост.
Англичанецот беше стрелец на хет-трик и комплетно го размонтира тимот на Штутгарт на „Алијанц арена“. Во завршницата погоди и Кингсли Коман.
Гостите се држеа едно полувреме, а потоа Хари Кејн го отвори резултатот во 57.минута. Четири минути подоцна зголеми на 2-0, а третиот гол го постигна во 80.минута. Во финишот и Коман се запиша во листата на стрелците за убедливи и конечни, 4-0 за Баерн.
