Херта Берлин по само три месеци се одлучи за нова промена на тренерот. Поради лошите резултато, клубот се раздели со Тајфун Коркут, соопшти бундеслигапот од Берлин. Ова се случи по петтиот последовен пораз на тимот во Бундеслигата. Херта загуби со 0-2 од Борусија Менхенгладбах.
Коркут го презеде тимот во ноември, наследувајќи го Пал Дардаи, но резултатите не се подобрија, а Херта падна на 17. место и се наоѓа во опасната зона на табелата.
„По ветувачкиот старт со 7 поени од првите четири натпревари, го анализиравме развојот и резултатите на деветте натпревари од продолжението на сезоната во јануари. Решивме да направиме нова промена на тренерската позиција“, изјави спортскиот директор Фреди Бобиќ.
