Хавиер Тебас останува прв човек на Ла Лига

Хавиер Тебас останува претседател на Ла Лига уште најмалку четири години. Тој е на чело на лигата од 2013 година, а ова ќе му биде четврти мандат.

61-годишниот адвокат се појави како единствен кандидат за функцијата по завршувањето на рокот за пријавување во понеделникот.

Хавиер Тебас поднесе оставка на 22 ноември, но само за да се одржат нови избори. Тој изјави дека следниот мандат ќе му биде последен.

Се очекува Тебас да се врати на својата функција оваа недела.