Аргентинскиот интернационалец Хавиер Пасторе потпиша договор со шпанскиот прволигаш Елче. Тој доаѓа како слободен агент откако го раскина договорот со Рома, а стави потпис на едногодишна соработка со Елче.
Пасторе, кој има 32 години, подолг период беше во немилост во редовите на „волчицата“, а неодамна јавно истакна дека раководството на римскиот клуб не му дозволило ниту да тренира со тимот на Жозе Мурињо.
Сега Хавиер Пасторе, кој претходно со успех го носеше дресот на ПСЖ, има нов предизвик во Ла Лига.
