Македонскиот прволигаш Шкупи прв ја „отвори сезоната“ за заминување во Анталија. Тимот од Чаир пристигна во турската база каде што фудбалерите ги пречека и новиот тренер, турскиот стратег Хазан Озер. Тој го одржа првиот тренинг и најави дека во наредните денови ќе се работи напорно за да се достигне врвната натпреварувачка форма во пресрет на вториот дел од сезоната.
Фудбалерите имаа средба и со сопственикот на клубот Огун Ајдин кој порача дека Шкупи ќе атакува на највисок пласман. Тимот е сместен во хотелот „Титаник“ и има фантастични услови за работа.
