Трансферната сага на Хари Кејн конечно доби среќен крај. Во два часот по полноќ тој потпиша за Баерн Минхен и излезе на прозорецот да ги поздрави фановите кои сѐ уште чекаа напаѓачот да стави потпис на договорот.
На овој начин заврши најлудата фудбалска приказна ова лето.
Баерн Минхен на Тотенхем ќе му плати 100 милиони евра, а дополнителни 20 се врзани со клаузули околу неговите настапи и успеси со клубот.
Германските медиуми посочуваат дека сега Баерн се обидува да ја реши регистрацијата и документацијата, па Хари Кејн уште денеска да дебитира за новиот клуб во Суперкупот на Германија против Лајпциг.
