Освои тројна круна со Баерн Минхен минатата сезона, но, сепак, не го доби признанието за најдобар тренер од ФИФА. Ханси Флик ја загуби „битката“ со Јирген Клоп во доделувањето на наградите на ФИФА. Сепак, тој е за „фер-плеј“.
„Ние и понатаму ќе продолжиме да победуваме. Јирген Клоп и неговиот стручен штаб ја заслужија таа награда исто како и јас и моите соработници. Секогаш сме за фер-плеј во тој поглед. Се радувам што Роберт Левандовски ја доби наградата „The Best“, затоа што ја заслужи со своите игри. Фудбалетите се секако главни во тимот, тренерот и не е најважен ако ги имате најдобрите фудбалери“, изјави Ханси Флик.
Баерн Минхен утре му гостува на Баер Леверкузен во дербито на колото во бундес-лигата.
