Поранешниот македонски селектор Ѓоко Хаџиевски се враќа во Саудиска Арабија и ќе го предводи клубот Хаџер кој се натпреварува во второлигашка конкуренција.
„Драго ми е што повторно се враќам во Саудиска Арабија. Имам доволно информации за Хаџер, беа мои ривали во изминатиот период. Сакам Хаџер да игра добар фудбал и да се врати во најсилната лига“, изјави Ѓоко Хаџиевски за тамошните медиуми.
Хаџиевски продолжува на интернационална сцена, две децении речиси без пауза. Нов предизвик за него ќе биде Хаџер.
