Една од најуспешните во кариерата на Пеп Гвардиола беше претходната сезона. Со Манчестер Сити ја освои титулата Англија на доминантен начин.
Шпанецот и неговиот тим сега повторно почнуваат од нула, а очекувањата се уште поголеми, исто како и притисокот. Витрините на клубот од „Итихад“ го чекаат елитниот трофеј од Лигата на шампионите, исто како што навивачите ја чекаат веста – дали Хари Кејн ќе се приклучи на тимот, покрај Џек Грилиш.
„Секоја сезона откако сум во клубот, пет или шест години, мислам дека секоја сезона првенството станува се потешко. Тимовите се подобри. Секоја сезона кога започнуваме имаме нов предизвик пред нас. Го прославивме освојувањето на трофејот, кој е во нашите витрини, во нашата меморија и сега треба повторно да почнеме одново“, вели Гвардиола.
„Имавме исклучителна сезона, една од најдобрите во мојот живот. Повторно освоивме два трофеи, игравме финале во Лигата на шампионите, како и полуфинале во ФА Купот. Но, од минатото не се живее“, додаде тој.
„Граѓаните“ првиот натпревар во новата сезона ќе го одиграат утре против Тотенхем.
