Англискиот премиерлигаш Манчестер Сити тргнува во офанзива по капитенот на Астон Вила, Џек Грилиш. Менаџерот Пеп Гвардиола смета дека на „граѓаните“ им недостига креација во навалната линија, а Грилиш е еден од мајсторите со топката во Премиер – лигата. Токму поради ова Гвардиола е подготвен да плати 100 милиони фунти за да го доведе на „Етихад“ во јануари или најдоцна на стартот од новата сезона.
Менаџерот на Сити доби нов двегодишен договор од клубот, а сега тргнува во ново реновирање на тимот. Покрај Грилиш, негова цел е и дефанзивецот на Наполи, Калиду Кулибали. Манчестер Сити е во преговори и за продолжување на договорот со најдобриот фудбалер, белгискиот интернационалец Кевин де Бруин.
