Менаџерот на Челси, Грем Потер, се спротистави на идејата да го ангажира Кристијано Роналдо од Манчестер Јунајтед. По последното интервју на Португалецот со Пирс Морган, сега е апсолутно извесно дека тој нема да остане на „Олд Трафорд“ и „црвените ѓаволи“ дефинитивно ќе се разделат од него.
Сега повторно постои опција тој да се пресели на „Стемфорд Бриџ“, но се чини дека тренерот на Челси не се согласува со тоа.
Идејата за доведување на Роналдо беше на новиот сопственик на Челси, Тод Боели. Тој е во многу добри односи со агентот на напаѓачот, Жорге Мендеш и верува дека лесно може да обезбеди договор за трансфер на Португалецот.
Првиот човек беше подготвен да го доведе и во текот на летото, но тогашниот менаџер Томас Тухел не се согласи и затоа беше и брзо раскинат неговиот договор. Но, се чини дека на истото мислење е и Грем Потер и тој исто така не сака да работи со петкратниот добитник на „Златната топка“.
Ова е уште еден удар за угледот на Кристијано Роналдо, кој се чини дека ќе има сериозни потешкотии да најде нов тим и на зима. Неговото име се поврзува и со Баерн Минхен и со Пари Сен Жермен, но засега и двата клуба не покажуваат голем интерес за него.
