Грем Потер ја одби можноста да ја преземе функцијата тренер на Ајакс, иако беше еден од главните кандидати на раководството на клубот. 36-кратниот холандски шампион е во потрага по нов тренер откако го отпушти Морис Стајн во октомври и го назначи Џон Ван’т Шип на привремена основа до крајот на сезоната.
Потер е слободен агент откако беше отпуштен од Челси во април 2023 година по само седум месеци на чело и неодамна разговараше со Ајакс. 48-годишниот Англичанец е импресиониран од клубот од Амстердам, но смета дека проектот не доаѓа во вистинско време за него во моментов.
Се верува дека Манчестер Јунајтед е заинтересиран за поранешниот тренер на Брајтон и на Челси, па ова е една од причините зошто Потер ја одбил понудата на холандскиот гигант.
