Македонскиот репрезентативец Илија Несторовски е пред можна преселба во грчкиот шампионат, откако до италијанскиот Палермо е пристигната понуда од вицешампионот на Грција, Олимпијакос.
Како што пренесуваат италијанските медиуми, Олимпијакос искажал сериозен интерес за ангажман на македонскиот напаѓач за кого интерес има и од Болоња и Торино.
Палермо, како што беше претходно објавено, поради финансиски малверзации е пред можност за преселба во Серија Д во Италија, што ќе значи тотален распад на клубот.
Несторовски има договор со клубот до 30. јуни 2021 година, но веќе се навестува негово заминување ова лето како со тоа и финансиски би помогнал Палермо евентуално да се спаси од најлошото.
