Струга Трим Лум доаѓа на Арената со една цел, да го победи Вардар и да го освои Купот. Тоа ќе значи и излез во Европа ова лето, а за стружани тоа ќе значи и континуитет.
Илчо Ѓорѓиоски, тренерот на Струга Трим Лум, вели дека Вардар е негов клуб, во минатото беше и играч и тренер на “црвено-црните”, но утре со сите сили ќе се труди стружани да го освојат Купот.
“Вардар е мој клуб со кој сум освојувал трофеи, но ако ме прашате од еден до сто колку посакувам утре да го победам Вардар, тоа е 100. Вардар е фаворит ќе игра пред своите навивачи, пред Комити, но ние ќе играме за да го победиме”, изјави Илчо Ѓорѓиоски.
Капитенот Буњамин Шабани верува дека Струга ТЛ може да стигне до трофејот.
“Подготвени сме, сите сме искусни играчи, живееме за вакви мечеви. Мотив повеќе за нас ќе биде на вака гостински терен да го освоиме трофејот”, истакна капитенот Буњамин Шабани.
