Фудбалската федерација на Македонија го назначи Горан Станиќ за нов селектор на фудбалската репрезентација до 21 година. Сепак, тој ќе остане на кормилото на Работнички до крајот на сезоната, со оглед дека квалификациите од новиот циклус почнуваат од септември.
Ова е еден вид џентлеменски договор со раководството на Работнички и со Горан Станиќ, поради тоа што „романтичарите“ имаа одлични резултати под негово палка во првиот дел од сезоната и наметнаа амбиции за највисок пласман.
Горан Станиќ беше во стручниот штаб на Игор Ангеловски на Европското првенство како аналитичар, а во минатото беше и селектор на селекциите до 17 и до 19 години.
