Connect with us

Голманот на Њукасл со сериозна повреда, ќе паузира пет месеци

Голманот на Њукасл, Ник Поуп, се очекува да биде надвор од терените во период од четири до пет месеци, пренесуваат медиумите на Островот.


31-годишниот Поуп заработи тешка повреда на левото рамо на крајот од саботната победа против Манчестер Јунајтед со 1-0 во 14. коло од Премиер – лигата. Тој не можеше да го заврши натпреварот и беше заменет во 86. минута, а најверојатно ќе биде подложен на детално скенирање во вторник за да се утврди колку е сериозна повредата.

Од Њукасл засега не исклучуваат и операција како опција.

Од почетокот на сезоната, Ник Поуп беше незаменлив на голот на Њукасл, почнувајќи од секој натпревар во Премиер – лигата, Лигата на шампионите и еден во Лига Купот. За „чавките“ има 20 настапи и 19 примени голови од почетокот на сезоната, како и осум меча без примен гол.

Advertisement
Advertisement
Advertisement

Facebook

Тимови