Македонскиот прволигаш Шкендија доби уште едно големо засилување за вториот дел од сезоната. Повремениот репрезентстивец Енур Тотре се враќа во Тетово и ќе го носи дресот на Шкендија до крајот на шампионатот.
Тој е дете на Шкендија, седум години беше член на клубот од Тетово, а досега беше во украинскиот клуб Ворскла.
“Прекрасно е чувството да се вратиш дома, во својата Шкендија. Се надевам дека ќе дадам придонес да ги оствариме целите на клубот”, изјави Тотре.
Тој веднаш ќе се приклучи на тимот на подготовките во Анталија.
