Фудбалерите на Арсенал денеска требаше да го играат натпреварот од 20. коло на Премиер – лигата против Вулверхемптон, но натпреварот е одложен. Тоа за еден навивач кој пристигнал од Америка и во авионот дознал дека натпреварот е одложен било „трагична вест“. Но, откако проблемот го изнел на социјалните мрежи, му се јавил Гранит Џака и направил голем гест.
Натпреварот на „Емирати“ требаше да се игра од 13.30 часот, но поради проблемите со коронавирусот натпреварот беше одложен и ќе биде одреден нов термин. Ваквата одлука особено го налути навивачот на Арсенал кој од САД допатува во Лондон за да го следи мечот на „топчиите“, а на крајот дозна дека нема ништо од тоа.
Тој на социјалните мрежи објави дека за одложувањето на натпреварот дознал дури кога бил во авион за Лондон и дека бил бесен поради тоа.
„Ова навистина ме повреди. Планирав и резервирав билети пред шест месеци и сега дознав дека натпреварот нема да се игра“, напиша навивач на Арсенал.
Тој пристигна со сопругата во Лондон, а натпреварот на Арсенал бил дел од планот за прослава на десетгодишнината од бракот.
Сепак, синоќа доби фантастична порака на Инстаграм од Гранит Џака и не можеше да поверува дека играчот од средниот ред на Арсенал сепак го контактирал.
„Здраво Џек, го видов твојот твит дека ти и твојата сопруга дојдовте од Америка да го гледате нашиот натпревар и гледам колку сте разочарани што натпреварот е одложен. Доколку сте во Лондон на 1 јануари би сакал да ве поканам на натпреварот Арсенал – Манчестер Сити да ми бидете гости и да ви се заблагодарам што сте толку посветени на нашиот клуб. Дали тоа ви се допаѓа“, му напиша Џака на навивачот.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski