Ѕвездата на Реал Мадрид, Винисиус Жуниор, ќе паузира до почетокот на февруари поради повредата на мускулот што ја доби при настапот за репрезентацијата на Бразил. Ова е голем удар за “кралскиот клуб”, посебно за настапите во Ла Лига и трката за шампионската титула.
Деталните лекарски прегледи покажаа дека повредата на Винисиус Жуниор воопшто не е наивна и тој ќе мора подолг период да биде отсутен од терените.
Реал Мадрид оваа сезона се соочува со голем број повредени фудбалери, Тибо Куртоа и Едер Милитао ќе ја пропуштат целата сезона, а повредени се и Арда Ѓулер и Едуардо Камавинга.
