Англискиот фудбалер и играч на Евертон, Андрос Таунзенд, ќе го пропушти остатокот од сезоната поради повреда на коленото, објави „Би-Би-Си“.
Тауненд се повреди во неделата во четвртфиналниот натпревар од англискиот ФА куп, во кој Евертон беше поразен од Кристал Палас со 0-4. Деталните прегледи покажаа дека 30-годишниот крилен напаѓач на Евертон се здобил со оштетување на предните вкрстени лигаменти.
Клубот соопшти дека Таунзенд ќе биде подложен на операција следната недела пред да започне рехабилитацијата.
Евертон моментно се наоѓа на 17. место во Премиер – лигата со 25 бода, три повеќе од зоната за испаѓање.
