Борусија Менхегладбах ја совлада Борусија Дортмунд во револверашка пресметка на отворањето на последното коло во Бундес-лигата пред паузата за Светското првенство. Домаќинот славеше со 4-2, а дури пет гола беа постигнати во првото полувреме.
Јонас Хофман во петтата минута донесе водство за Менхенгладбах, а израмни Џулијан Брант во 19.минута. Серијата голови ја продолжија Бенсебаини и Маркус Турам за домаќинот, а намали Нико Шлотербек во 40.минута.
Куадио Коне на почетокот на вториот дел постигна четврти гол за Борусија Менхенгладбах и ја потврди победата.
