Ѓоко Хаџиевски е единствениот македонски тренер, веројатно заедно со Чеде Јаневски, кој во континуитет работи надвор од нашата земја. Најнов предизвик за Ѓоко Хаџиевски е добро познатиот Наџран, клуб од Саудиска Арабија, каде се враќа по цели девет години.
Тој работеше во Наџран во 2014, а претходно и во 2012 година.
Хаџиевски повторно ќе работи со веќе добро познатиот стручен штаб, Филип Деспотовски и Филип Спасески, како и тренерот на голманите, Филип Маџовски.
Хаџиевски е поранешен македонски селектор, најтрофеен македонски тренер, предводник на Вардар, Силекс, Пелистер и Беласица, а има и долга интернационална кариера.
