Македонскиот стратег Ѓоко Хаџиевски со победи го чува врвот на табелата со тимот на Емирати во втората по ранг дивизија на УАЕ. Емирати вчера славеа со 3-2 на домашен терен против Диба Ал Фуџаира и со 28 бода се наоѓаат на првата позиција на табелата.
Тимот на Ѓоко Хаџиевски во досегашниот тек од сезоната има осум победи, четири ремија и само еден пораз. По 13 кола, Емирати има шест бода преднсост пред третопласираниот Ел Батаех, а првите две екипи обезбедуваат пласман во елитата на Обединетите Арапски Емирати.
